Festa Zitellina Testo

À passi di ghjatta
A neve s'aguatta
È piglia è sì piatta
In ogni furcò.
Piove piove latte
V'aggranca le patte
Ci hè pocu à scumbatte
O sgiò calafrò.
Si vede sumeri
Arechji in pinseri
Umbrosi mazzeri
Pè 'ssi cacciarò.
Sò fatti à frisgetti
I nostri fussetti
Sò in biancu li tetti
Chì bella staghjò.
Evviva li stracci
Prestu à vultulacci
Ingrati zitellacci
-Perchè o Babbò?
U ventu sculiscia
Lascendu una striscia
Di bambace liscia
Soprà li machjò.
U ventu rumena
U celu sumena
L'angoscia è la pena
Di l'omi maiò