Adixkide Bat Bazen Testo

Adixkide bat bazen
Orotan bihotz bera
Poesiaren hegoek
Sentimentuzko bertsoek
Antzaldatsen zutena.
Plazetako kantari
Bakardadez josia
Hitzen lihoa iruten
Bere barnean irauten
Oinazez ikasia.
Nun hago, zer larretan
Urepeleko artzaina
Mendi hegaletan gora
Oroitzapen den gerora
Ihesetan joan hintzana.
Hesia urraturik
Libratu huen kanta Lotura guztietarik
Gorputzaren mugetatik
Aske senditu nahirik.
Azken hatsa huela
Bertsorik sakonena
Inoiz esan ezin diren
Estalitako egien
Oihurik bortitzena.