Un Tiempu Meyor Testo

Corazones ensin nome,
que presiento y que conozo.
Corazones nos qu'espero,
onde m'ablugo y reposo.
Corazones frañedizos
que guardáis l'agua y el
vientu,
el fuebu de los borrones,
les espores d'otru tiempu.
Vosotros que sois tierra
y truena y clarión,
seréis aire y lluz
d'un tiempu meyor.
Vosotros sois el dieldu
y l'aire y la lluz
d'un tiempu meyor.
Corazones que conocen
el dolor y los fracasos,
y faen ñacer la esperanza
nes cenices de los suaños.
Corazones onde añeren
l'andarina y la cerrica.
Corazones que s'enllenen
de salitre y de nublina.
Vosotros que sois tierra
y truena y clarión,
seréis aire y lluz
d'un tiempu meyor.
Y namás por vosotros
caltengo la fe
nun tiempu meyor.
Corazones onde alcuentro
la palabra y la calor,
onde se dile la pena
y abocana'l desamor.
Corazones que resisten.
Los que nunca vos daréis.
Los nun vos entregáis
más qu'al que bien vos
merez.
Vosotros que sois tierra
y truena y clarión,
seréis aire y lluz
d'un tiempu meyor.
Nel vuestru sen descanso
y puedo albidrar
un tiempu meyor.